Mag-asawa inutas ng tandem

CAVITE, Philippines – Kamatayan  ang sinapit ng mag-asawa makaraang pagbabarilin ng riding-in-tandem assassin sa loob ng kanilang bahay sa Barangay Poblacion 5 sa bayan ng General Mariano Alvarez, Cavite kamakalawa ng hapon. Kinilala ng pulisya ang mag-asawang na sina Ernesto P Jacob at Ronna S. Jacob, 40, mga nakatira sa nasabing barangay. Sa imbestigasyon ni PO3 Jonarey Visca, nasa loob ng kanilang bahay ang mag-asawa nang pasukin ng dalawang lalaki saka isinagawa ang pamamaslang. Kaagad na tumakas ang gunmen sakay ng motorsiklo na sinasabing walang plaka. Sinisilip ng pulisya ang anggulong droga ang isa sa motibo sa pamamaslang.