2 nakipaglamay, pinaglalamayan

NORTH COTABATO  , Philippines - Napatay ang dalawang habal-habal drayber makaraang ratratin ng mga di-kilalang kalalakihan sa bahagi ng Purok 2, Barangay Makalangot sa bayan ng Arakan, North Cotabato noong Lunes ng gabi. Sa ulat ng pulisya, kinilala ang dalawa na sina Jake Pajenado, 25-anyos at Marlon Alarba, 35, mga nakatira sa  Barangay Centro Makalangot sa nasabing bayan. Naitala ang pamamaril bandang alas-9 ng gabi kung saan magkaangkas sa motorsiklo ang dalawa mula sa pakikipaglamay sa hindi binanggit na namatay sa Sitio Pundok, Barangay Makalangot. Gayunman, umalingawngaw ang serye ng putok ng baril kung saan sumeplang ang motorsiklo ng dalawa at namatay. Hindi kaagad rumesponde ang pulisya dahil ang nasabing lugar ay sinasabing NPA rebs infested area subalit tiniyak nilang walang presensiya ng mga armadong pangkat.