2 utas sa anti-drug operation
NUEVA ECIJA , Philippines - Dalawa-katao na sinasabing drug suspek ang napatay makaraang manlaban sa mga pulis sa inilatag na anti-drug operation sa Barangay Pag-Asa, bayan ng Talavera sa Nueva Ecija noong Lunes ng madaling araw. Kinilala ng pulisya ang dalawa na sina Edmond “Edmon” Dacir, 35, ng Barangay San Isidro, bayan ng Zaragosa; at Abel Erica, 36, ng Barangay Sta Barbara sa bayan ng San Antonio. Base sa ulat ng pulisya, isinailalim sa buy-bust operation ang dalawa subalit nakatunog na mga pulis ang kanilang ka-deal kaya umatras ang mga ito at nanlaban. Gayunman, sumiklab ang barilan hanggang sa mapatay ang dalawa. Narekober sa encounter site ang cal. 45 pistol, ilang plastic sachet na shabu, motorsiklo, at ang P500 marked money na ginamit ng pulisya sa buy-bust.
- Latest