3 arestado sa ATM skimming

CAMP JULIAN OLIVAS, Pampanga, Philippines – Tatlong Caucasians na sinasabing sangkot sa skimming activities ang nasakote ng mga operatiba ng pulisya makaraang maaktuhang nagwi-withdaw ng malaking halaga sa ATM machine gamit ang cloned ATM cards sa Barangay San Agustin, San Fernando City, Pampagan noong Lunes ng gabi. Nakatakdang kasuhan ang mga suspek na sina Radu Minodor Sandor, Nicaraguan; Marcu Bogdan, 26, Romanian; at si Petro Ioan Uveges, 44, Romanian. Base sa police report, nakatanggap ng reklamo ang pulisya mula sa ilang kawani ng banko kaugnay sa ATM skimming activities ng mga suspek. Kaagad na rumesponde ang mga tauhan ni P/Supt. Roland Agohob kung saan naaktuhan ang mga suspek sa kanilang modus operandi. Narekober sa mga suspek ang skimming device, iba’t ibang ATM cloning cards, P339, 362.15 cash at puting Toyota Wigo na may conduction sticker VQ 8261.Tumanggi namang magbigay ng detalye ang mga suspek habang patuloy naman ang tactical interrogation.