Bus bumaliktad: 20 sugatan

TUGUEGARAO CITY, Cagayan , Philippines  - Dalawampu katao ang nasugatan matapos bumaliktad ang pampasaherong bus sa kasadsaran ng ulan sa kahabaan ng highway sa Barangay San Juan, Ilagan City, Isabela noong Linggo. Sa police report na nakarating kay P/Supt. Ariel Quilang, hepe ng Ilagan City Police Station, tumakas ang drayber ng bus na si Ariel Canceran na tubong Sta. Maria, Isabela matapos sumalpok ang bumaliktad na sasakyan sa konkretong bakod.? Isinugod sa Governor Faustino Dy Sr. Memorial Hospital ang mga pasahero na karamihan ay nagtamo ng bali at bukol sa iba’t-ibang bahagi ng katawan. ?Lumalabas sa imbestigasyon na nawalan ng kontrol ang drayber habang binabagtas ang madulas na highway dulot ng pag-ulan kaya ito bumaliktad at sumalpok pa sa bakod.? Pinaghahanap ngayon ng awtoridad ang tumakas na drayber.