Fariñas persona non grata sa mismong probinsiya niya
House Majority Floor Leader at Ilocos Norte 1st District Rep. Rodolfo Fariñas. Philstar.com/AJ Bolando, file
MANILA, Philippines — Hindi na welcome sa mismong probinsiya niya si House Majority Floor Leader at Ilocos Norte 1st District Rep. Rodolfo Fariñas.
Inihain ng Ilocos Norte Provincial Board o Sangguniang Panlalawigan (SP) ang Resolution No. 2017-06081 na nagdedeklara na “persona non grata” si Fariñas na residente ng Laoag City.
Sina SP member Vicentito “Toto” M. Lazo at Vice Gov. Angelo Marcos Barba ang nag-sponsor ng resolusyon.
BASAHIN: Imee may kulungan na sa Kamara
Sa kabila nito, nilinaw naman ni SP member Da Vinci Crisostomo na hindi naman pinagbabawalang pumunta sa lalawigan si Fariñas.
Aniya isa lamang itong pamamaraan upang maihayag ang kanilang sentimyento sa mambabatas.
Pinangunahan ni Fariñas ang imbestigasyon sa umano’y maanomalyang paggamit ng tobacco funds sa ilalim ng public Act 7171 o “An Act to Promote the Development of the Farmers in the Virginia Tobacco-producing Provinces.”
Sa kasalukuyan ay anim na kawani ng lokal na pamahalaan ang nakakulong ngayon sa House of Representatives mula Mayo 29.
Sinabi rin ng Kamara na nakahanda na ang kulungan ni Ilocos Norte Gov. Imee Marcos kung patuloy niyang susuwayin ang kautusan ng komite na dumalo siya sa imbestigasyon.
- Latest
