2 inutas sa convenient store

CAVITE  , Philippines - Bulagta ang magkaibigang lalaki matapos itong pagbabarilin ng di-kilalang lalaki sa labas ng convenient store kahapon ng madaling araw sa Barangay Buhay na Tubig sa Imus City, Cavite. Kinilala ng pulisya ang mga napatay na sina  Lionel Again, 54, trike driver, ng  Riverside Barcelona Phase 1 sa nasabing barangay; at Leandro Buenavides, 29, ng Real Subdivision sa Barangay Palico 1. Sa police report na nakaratiang sa Camp Pantaleon Garcia, naghuhuntahan ang dalawa sa labas ng convenient Store nang lapitan at ratratin bandang alas-12:35 ng madaling araw. Narekober sa crime scene ang pitong basyo ng bala ng cal. 45 pistol habang nirerebisa naman ang footage ng CCTV camera na nasa labas ng tindahan para makilala ang gunman.