Police director ligtas sa ambush

TUGUEGARAO CITY, Cagayan, Philippines - Nakaligtas sa kamatayan ang police director ng Cagayan matapos itong tambangan ng mga rebeldeng New People’Army sa liblib na bahagi ng Barangay San Carlos, bayan ng Gattaran, Cagayan kahapon ng tanghali (Lunes).? Base sa sketchy report, niratrat ng mga rebelde ang paparating na convoy ni P/Senior Supt. Warren Tolito kung saan mabilis na naka-maniobra ang mga ito paatras at palayo sa ambush site.? Gayunman, nagawa ni P/Senior Supt. Tolito na magpadala ng text message sa ilang news reporter dahil nasa peligrosong lugar pa sila dakong alas-4:45 ng hapon.? Nabatid na patungo sana sa bayan ng Baggao ang grupo ni Tolito upang suriin ang bahay na binulabog ng mga rebelde noong Linggo ng gabi kung saan nasugatan ang mag-ina na sinasabing kaanak ni ret. Sgt. Dexter Remodaro sa Poblacion ng Barangay San Jose nang maganap ang pananambang.