Kagawad todas sa engkuwentro
CAVITE, Philippines – Isang kagawad ang nasawi matapos umanong manlaban sa pulisya habang isinisilbi ang search warrant sa kanyang tinutuluyan sa Brgy San Antonio 1, Noveleta, ng lalawigan.
Namatay habang ginagamot sa ospital ang konsehal ng barangay na si Rodel Reyes, 59, may asawa, ng Blk. 5, Lot 24, Ivory St., Camella Homes, Brgy. San Antonio 1, Noveleta.
Sa report ng pulisya, alas 6:15 ng umaga nang ikasa ng pulisya ang operasyon laban sa suspek.
Bitbit ang search warrant na inisyu ni Judge Agripino Morga, ng RTC Branch 29-32, San Pablo City, Laguna, sinalakay ng pulisya ang tirahan ng kagawad subalit pagdating nila sa lugar ay armado umano ang huli ng maiksing baril at agad na pinaputukan ang mga operatiba sanhi ng engkuwentro.
Duguan ang suspek nang humupa ang barilan at agad siyang itinakbo sa pagamutan subalit idineklarang patay habang nilalapatan ng lunas.
Narekober sa lugar ang isang cal .38 revolver, mga bala, 2 basyo ng bala, drug paraphernalia at 2 sachet ng hinihinalang shabu.
- Latest