Drug suspek dedo sa shootout
CAVITE , Philippines - Napatay ang 31-anyos na sinasabing drug pusher na nasa drug watchlist matapos itong makipagbarilan sa inilatag buy-bust operation sa Barangay Wawa II, bayan ng Rosario, Cavite, kahapon. Kinilala ng pulisya ang napatay na si John Rey Adrales, umano’y miyembro ng Elmer Morales Taba Group na may operasyon ng drug trade sa nasabing bayan. Base sa police report na nakarating sa Camp Pantaleon Garcia, inilatag ng mga pinagsanib ng puwersa ng pulisya at PDEA ang buy-bust operation laban kay Adrales subalit nakatunog ito kung saan humantong sa palitan ng putok ng magkalabang panig. Bulagta naman si Adrales habang sugatan si SPO1 Allan Villanueva matapos itong tamaan sa binti. Narekober sa encounter site ang cal. 38 revolver na paltik, mga basyo ng bala, 3 plastic sachet na shabu, mga drug paraphernalia at marked money.
- Latest