10 Abu sumuko sa militar
MANILA, Philippines - Sumuko sa tropa ng militar ang 10 miyembro ng Abu Sayyaf Group kabilang ang kanilang sub-kumander na bitbit ang kani-kanilang armas sa bayan ng Sumilip, Basilan kamakalawa.
Ayon kay Lt. Gen. Carlito Galvez, commander ng AFP Western Mindanao Command, ang mga sumukong Abu Sayyaf ay pinangunahan ni Sub Commander Ibrahim Malat Sulayman, Salimbawa Ahlil Tanjal, Salim Toong Masud, Salasni Ambing Mahawan, Ado Emmong, Ahmad “Bolkia” Abbi, mga tauhan ni Kumander Nurhassan Jamiri; at mga tauhan ni Kumander Furuji Indaman na sina Mar-ie Cabulut Indama, Muhammad Kalung-Hassan, Salman Hawkasa, Husael Fernandez, Ebtor Asana at si Madja Palinta.?
Isinuko rin ng 10 ASG ang pitong malalakas na kalibre ng armas at apat na maikling baril na may magazine at mga bala.
Bandang alas-10 ng umaga nang sumuko ang grupo ni Sulayman sa tropa ng Army’s 68th Infantry Battalion at 74th Infantry Battalion ng Joint Task Force Basilan sa Sumisip Municipal Hall Complex sa Barangay Buli-Buli sa nasabing bayan.
“With the continuing pressure employed by the troops on the ground, we are confident that more Abu Sayyaf members will be compelled to cross the line. This feat will convince us even more to intensify our offensives against the remaining fighters,” pahayag pa ng opisyal. ?
Umaabot na sa kabuuang 96 Abu Sayyaf ang sumuko sa JTF Western Mindanao simula pa noong Enero 2017 kung saan 54 ay mula sa Basilan, 19 sa Sulu, 21 sa Tawi-Tawi at dalawa mula sa Zamboanga City.
- Latest
