78-anyos na lolo nalitson nang buhay

TUGUEGARAO CITY, Cagayan , Philippines  - Malagim na kamatayan ang sinapit ng isang 78 anyos na lolo matapos malitson sa loob ng naglalagablab na apoy sa bahay sa Asin Road, Km 18, Penged, Nangalisan, Tuba, Benguet noong Martes.? Sa report ni Chief Insp. Carol Lacuata, tagapagsalita ng Cordillera Police; naiwang nag-iisa sa bahay si Lolo Emoy Vicente Benito, 78 nang mag-umpisang sumiklab ang apoy dakong alas-4:30 ng hapon.?Sinasabing may pagka-ulyanin na ang matanda na nabigong iligtas ng mga tumulong mag-apula sa apoy na pinaniniwalaang galing sa nakasinding sigarilyo. ?Ang nasunog na bahay na pag-aari ni Robert Abance, Jr. ay inuupuhan ng anak ng biktima na si Marrisa Benito Tinoyan na isang guro at wala sa lugar nang sumiklab ang apoy.?Umabot sa mahigit P.3 milyon ang naabo sa sunog.