Nag-amok na mister utas sa pulis

CAVITE  , Philippines - Patay ang 35-anyos na mister na nag-amok matapos itong barilin ng pulis dahil tangkang pananaksak kahapon sa Barangay Putol sa bayan ng Kawit, Cavite. Kinilala ang napatay na si Raymundo Malaque  habang sumuko naman ang suspek na si P01 Ashley Vergel, 27, ng nasabing barangay. Base sa police report na nakarating sa Camp Pantaleon Garcia, rumesponde ang dalawang opisyal ng barangay kaugnay sa pag-aamok ni Malague. Tinangkang payapain ni Chairman Daniel Vergel ang nag-amok na mister subalit tinangka siyang saksakin. Gayunman, pinutukan at napatay ni PO1 Vergel ang biktima.