Pabrika ng muwebles, naabo

BULACAN , Philippines  - Tinatayang aabot sa P1 milyong halaga ng ari-arian ang naabo makaraang masunog ang pagawaan ng muwebles sa Barangay Santol, bayan ng Balagtas, Bulacan noong Biyernes ng madaling araw. Base sa imbestigasyon ni Municipal Fire Marshall F/Senior Insp. Armando Occasion, nagsimula ang sunog sa likurang bahagi ng pabrika na pag-aari ni Teofilo Paguia. Pinaniniwalaang naiwang safety switch ng  makina ang isa sa pinagmulan ng apoy habang wala namang nadamay na mga kalapitbahay dahil sa maagap na responde ng mga bumbero at wala ring nasaktan sa insidente.