Driver dedo sa road mishap
MORONG, Bataan, Philippines – Patay ang isang driver makaraang sumabit ang minamanehong tricycle nito sa kaliwang bahagi ng isang van sa kahabaan ng National Road 168 Napot Nagbalayong, Morong, ng lalawigan kamakalawa ng umaga. Kinilala ang biktima na si Antonieto Romualdez, may hustong gulang at nakatira sa 210 Benedict St. Sta Lucia, Samal, Bataan. Sa ulat ni PO1 Reymar Gaffud, ng Morong Municipal Police Station, dakong alas-9:40 ng umaga habang tinatahak ng isang Toyota HiAce (XRK-835) na minamaneho ni Romnick Ponestas, ang nasabing lugar patungong timog nang makasalubong nito sa kurbadang kalsada ang Honda TMX 125 na minamaneho ng biktima mula sa kabilang direksyon. Habang paliko sa kurbadang daan ang tricyle, nakain nito ang kaliwang bahagi ng daan sanhi upang masabit nito ang kaliwang bahagi ng van hanggang sa bumaliktad ang tricycle at tumama ang ulo ng biktima sa sementong daan na ikinamatay nito.
- Latest