Barangay chairman inambus, grabe

TUGUEGARAO CITY, Cagayan, Philippines - Kritikal ang isang 52-anyos na barangay chairman na sinasabing nasa drug watchlist ng pulisya matapos itong tambangan ng riding-in-tandem gunmen sa Barangay Caritan Centro sa Tuguegarao City, Cagayan kahapon ng umaga. ?Sa police report na nakarating kay P/Supt. Edward Guzman, hepe ng Tuguegarao City Police Station, kinilala ang biktima na si Chairman Jerry Quilang ng Barangay Linao West sa nasabing lungsod. Nabatid na tinambangan ng tandem ang biktima habang ito ay sakay ng kanyang Toyota Hilux (TXI-924). Gayunman, kahit sugatan ang biktima ay sumakay pa ito ng traysikel saka nagpahatid sa St. Paul’s Hospital. Base sa tala ng pulisya, ang biktima ay sinasa­bing nasangkot sa kasong shoplifting.?