Kantero binasag ang mukha
BULACAN, Philippines – Brutal na kamatayan ang sinapit ng 25-anyos na kantero matapos itong bagsakan ng kongkretong kalan sa mukha ng kanyang pinagkakautangan sa construction site sa Barangay Santol, bayan ng Balagtas, Bulacan kamakalawa ng gabi. Kinilala ang biktima na si Jake Lorenzo, tubong Tuguegarao, Cagayan at stay-in-worker sa construction site sa Zapra Subdivision. Arestado naman ang suspek na si Jan-Jan Sentillas, 25, ng Balagtas Heights sa nasabing lugar. Ayon kay PO2 Roman Katipunan, natutulog ang biktima sa barracks ng construction site nang isagawa ng suspek na sinasabing lango sa alak ang pamamaslang. Sinisilip ng pulisya ang anggulong pagkakautang na pera ng biktima sa suspek kaya naganap ang krimen.
- Latest