Kawani ng LGU, itinumba

KIDAPAWAN CITY, North Cotabato, Philippines - Patay ang isang kawani ng lokal na pamahalaan makaraang tambangan ng riding-in-tandem gunmen sa kahabaan ng national highway sa Barangay Poblacion sa bayan ng Pikit, North Cotabato kahapon ng umaga. Kinilala ni P/Chief Insp. Donald Cabigas, hepe ng Pikit PNP ang biktima na si Edgar Librando ng Brgy. Takepan sa nasabing bayan. Batay sa ulat, naganap ang pananambang dakong alas-6:55 ng umaga habang nagmomotorsiklo ang biktima. Narekober sa crime scene ang mga basyo ng bala ng cal.45 pistol habang patuloy naman ang imbestigasyon.