Ina, 6-anyos anak patay sa flashflood
Sa imbestigasyon ni Senior Police Officer 4 Irvin Laude, naglalaba ng kanilang mga damit ang Ginang na pinangalanan lamang na Catherine, 32, kasama ang dalawa nitong anak na sina John Rib, 6-anyos at Glyzel, 2-anyos nang biglang rumagasa ang tubig baha at umapaw ang nasabing ilog dahil sa mga pagbuhos ng malakas na ulan sa kanilang lugar na naipon pa sa kabundukan. File
KIDAPAWAN CITY, Philippines – Patay sa pagkalunod ang isang mag-ina makaraang tangkaing isalba ng Ginang ang kanyang 6-anyos na anak sa matinding pagragasa ng flashflood mula sa Ebreo River at naipong ulan sa bundok sa Purok Sampalok, Barangay Tres de Mayo, Digos City, Davao del Sur, iniulat kahapon.
Sa imbestigasyon ni Senior Police Officer 4 Irvin Laude, naglalaba ng kanilang mga damit ang Ginang na pinangalanan lamang na Catherine, 32, kasama ang dalawa nitong anak na sina John Rib, 6-anyos at Glyzel, 2-anyos nang biglang rumagasa ang tubig baha at umapaw ang nasabing ilog dahil sa mga pagbuhos ng malakas na ulan sa kanilang lugar na naipon pa sa kabundukan.
Dahil sa mabilis na pagragasa ng tubig mula sa kabundukan, tanging ang anak na si Glyzel ang unang naiahon ni Chaterine sa gilid ng ilog subalit nang kanyang balikan ang isa pang anak na si John Rib ay bigo na ang dalawa na makaahon nang lalong lumakas at tumaas ang baha sanhi upang kapwa tangayin at malunod.
Mabilis namang sumaklolo ang mga nakakita sa nasabing insidente at agad na isinugod ang mag-ina sa Medical Center of Digos Cooperative (MCDC) sa nasabing lungsod pero kapwa idineklarang patay.
- Latest
