Propesor itinumba ng tandem
BULACAN, Philippines – Patay ang isang lalaking professor ng pampublikong paaralan matapos pagbabarilin ng riding-in-tandem habang papasok sa loob ng kanyang bahay sa Brgy.Tanawan, Bustos, lalawigang ito kamakalawa.
Nagtamo ng mga tama ng bala sa iba’t ibang bahagi ng katawan ang biktimang si Geronimo Salamat 45, ng Raymundo St., Brgy.Tanawan at propesor ng Bulacan State University, pawang sa naturang bayan.
Sa imbestigasyon nina SPO2 Eduardo Solian at PO3 Gideon Vera, dakong alas-7:45 ng gabi nang dumating ang biktima sa harap ng kanilang bahay lulan ng Ford Ranger pickup (RKA-792).
Habang hinihintay nito ang pagbukas ng kanilang gate nang biglang dumating ang dalawang magkaangkas na lalaki sa hindi naplakahang motorsiklo at agad na bumaba ang backrider saka lumapit sa sasakyan. Nang positibo sa target, agad na pinaputukan nang sunud-sunod ang biktima. Matapos ito, tumakas ang mga suspek patungo sa hindi nabatid na direksyon.
- Latest