Lasing na parak, namaril: 2 patay, 1 pa sugatan
TUGUEGARAO CITY, Cagayan, Philippines - Dalawang obrero ang pinabulagta ng isang bagitong pulis, habang isa pa ang nasugatan sa gitna ng kanilang inuman sa bahay ng mga biktima sa Brgy. Santiago, San Fernando City, La Union Miyerkules ng gabi. ?
Kinilala ni Chief Insp. Silverio Ordinado Jr., tagapagsalita ng La Union PNP ang mga nasawi na sina Willy Fernando, 48 at Joseph Balanag, 35 habang isinugod naman si Christian Fernando, 23 sa Ilocos Training and Regional Medical Center.?
Nadakip naman sa follow up operation ang suspek na pulis na si PO1 Ricardo Rillo na nakatalaga sa Police station ng San Fernando City.
Sa paunang imbestigasyon, nagkaroon ng pagtatalo sa pagitan ng biktima tungkol sa lupa na nauwi sa pagratrat ni Rillo sa mga kainuman bago ito tumakas at di naglaon ay nadakip.
Patuloy pa ring sinisiyasat ng pulisya ang kaso.
- Latest