NPA rebel na killer ng Mayor todas sa shootout
MANILA, Philippines - Isa sa mga pangunahing suspek sa pagpaslang sa alkalde ng Bukidnon may dalawang taon na ang nakalilipas ang napaslang sa engkuwentro ng tropa ng mga sundalo sa Malaybalay City, Bukidnon, ayon sa ulat kahapon.
Kinilala ang napaslang na rebelde na si Jimmy Sante Ama, aktibong miyembro ng komunistang New People’s Army (NPA).
Sinabi ni Lt. Erwin Bugarin, Spokesman ng Army’s 8th Infantry Battalion (IB), ang bakbakan ay naitala sa pagitan ng tropa ng militar at ng grupo ng mga rebelde sa kagubatan ng Brgy. Kibalabag, Malaybalay City kamakailan.
Sa nasabing engkuwentro ay dalawang rebelde ang napaslang, isa rito ay si Ama habang inaalam ang pagkakakilanlan sa isa nitong kasamahan.
Nabatid na ang suspek ay may warrant of arrest na inisyu ng korte ng Bukidnon kaugnay ng pananambang at pagkakapatay kay Impasugong, Bukidnon Mayor Mario Okinlay noong Hulyo 2, 2015.
- Latest