PNP officer, 1 pa sugatan sa road mishap

MANILA, Philippines -   Dalawa katao kabilang ang Deputy Provincial Director ng Pangasinan Police at Officer -in-Charge ng Urdaneta City Police Station  ang nasugatan makaraang aksidenteng su­malpok sa puno ng mangga ang behikulong sinasakyan  ng mga ito sa kahabaan ng national highway sa Brgy. Matic-Matic, Sta. Barbara, Pangasinan kamakalawa.

Kinilala ang nasu­gatang opisyal na si Supt. Jackie Castro Candelario, 41 anyos, Deputy Police Director  ng Pangasinan Police Office at Officer in Charge ng Urdaneta City Police. Ang nasugatang sibilyan ay  nakilala namang si  Rica Vinluan, 20 taong gulang.

Si Candelario ay nasa maayos ng kondisyon na inoperahan na sa Villaflor Doctors Hospital sa Dagupan City matapos na mabalian ng kanang tad­yang sa insidente.   Patuloy ring ginagamot si Vinluan sa tinamo nitong sugat sa katawan.

Sa report ng Pangasinan Police, bandang alas-4:26 ng madaling araw nang maaksidente ang Toyota Vios (AAS 9726) na minamaneho ni Supt. Candelario sa nasabing lugar.

Ang mga biktima ay mabilis  na isinugod sa pagamutan ng mga sumaklolong rescue team  para malapatan ng lunas. Ang kasong ito ay iniimbestigahan na