Arnold may throwback sa unforgettable interviews
MANILA, Philippines - Pitong taon na ang Tonight with Arnold Clavio (TWAC) at bilang selebrasyon, babalikan ni Igan ngayong Miyerkules (March 29) ang ilan sa kanyang hindi malilimutang interviews sa paboritong kuwentuhan ng bayan.
First stop nga ay ang mga kilig overload na chikahan kasama ang mga sikat na tambalan ng Kapuso Network. Pangungunahan ito nina Alden Richards at Maine Mendoza.
Sunod dito ay ang mga panayam na napuno ng katatawanan kaya naging viral online. Kasama naman dito sina Divine, Tetay, Donita Nose, at Boobsie. Pasok din sa mga most unforgettable interviews sa TWAC ang contestants ng That’s My Boy ng Eat Bulaga, ang nakakaantig na rebelasyon ni Asia’s Songbird Regine Velasquez, at ang walang prenong pagkukuwento ni Ms. Elizabeth Ramsey—ang yumaong Queen of Rock and Roll ng Pilipinas.
Sasariwain din ng TWAC ang mga pagharap ni Igan sa mga naging Pangulo ng Pilipinas na sina Fidel V. Ramos, Joseph “Erap” Estrada, Gloria Macapagal-Arroyo at Benigno “Noynoy” Aquino.
Sama na sa natatanging trip down memory lane ng TWAC ngayong Miyerkules, 10:15 p.m. sa GMA News TV.
- Latest
