Trak vs. kotse: 20 sugatan
COTOBATO CITY, Philippines – Umaabot sa 20-katao na karamihan ay mga atleta ng pribadong paaralan ang nasugatan makaraang magsalpukan ang trak at kotse sa kahabaan ng national highway sa Barangay Palian sa bayan ng Tupi, South Cotabato kahapon ng umaga.
Kinilala ang mga sakay ng trak na sugatan na sina Leanisa Colonia, Franklin Tamayo, Rene Ode, Policard Estacio, Albert Duga Duga, Carlo Jay Duran, Ian Mark Carido, Al Quin Ann Bataque, Arvin Soblingo, Maricel Marfel, Henry Chan, Kent Bryan Malasarte, Kia Gallego Arnel John Pesura, Kieth Sunga, Rose Ann Cahilig, at si TJ Latiban.
Ayon kay PO1 Ernando Simpao Jr., ang mga sakay ng Elf trak ay mga atleta ng South East Asian Institute of Technology sa bayan ng Tupi na patungo sana sa Koronadal City para maglaro sa Private Schools Athletic Association (PRISAA) meet nang maaksidente pasado alas-7 ng umaga.
Nabatid na binabaybay ng trak na minamaneho ni Mario Gana ang kahabaan ng highway nang makabangaan nito ang kotse na patungong General Santos City.
Sugatan naman ang driver ng kotse na si Rico Angel Lataban at kasama ang mga sakay na sina Abdul Hussain, Rahid Muscat at si Anna Mamintal.
- Latest