Atty. Eisma nanungkulan na sa SBMA
SUBIC BAY FREEPORT ZONE.. - Pormal ng isinalin ang panunungkulan bilang administrador ng Subic Bay Metropoplitan Authority (SBMA) kay Atty. Wilma T. Eisma ang bandila ng SBMA ni dating SBMA Chairman and Administrator Roberto V. Garcia sa Turn-over ceremony kasabay ng flag-raising ceremony sa mismong Building 229 sa nasabing lugar.
Sa turn-over ceremony, sinaksihan nina Olongapo City Mayor Rolin Paulino, Subic town Mayor Jay Khonghun, Mayor Jopet Inton ng Hermosa, Bataan; Rep. Jeffrey Khonghun at mga opisyal ng lokal na pamahalaan sa karatig lalawigan.
Si Eisma ay ipinanganak at lumaki sa Olongapo City kung saan nagtapos ng abugasya na may 23 taong nagsilbi sa pamahalaan at pribadong sector.
Base sa record, si Eisma ay dating sustainability at contributions manager ng PMFTC, Inc., Philippine affiliate ng Philip Morris International kung saan nagtrabaho sa loob ng 16-taon.
Mariing ipinahayag ni Atty. Eisma na masaya siya at nakabalik uli sa itinuturing niyang tahanan.
Si Atty. Eisma na isa sa libu-libong volunteer na naglingkod sa SBMA noong panahon ni Sen. Richard Gordon bilang chairman at administrator ay mainit na tinanggap ng mga opisyal at kawani ng nasabing ahensiya.
Pinapurihan nito ang mga nagawa ng mga opisyal at kawani sa mga nakaraang taon at sinabing ipagpatuloy nila ito at samahan ng “malasakit” na umano’y parang nawala na.
Sa talumpati ni SBMA Administrator Atty. Eisma, binigyang diin nito na kailangang ibalik ng maayos ang kalinisan ng SBMA dahil nasalaula na ito at nagtambak na basura sa paligid kung saan wala na sa kaayusan ang buong SBMA.
Ayon kay Atty. Eisma, noong mga naunang panahon ay binansagang America ang kalinisan ng SBMA subalit ngayon ay nalulungkot isipin na di-na ganoon kaganda at linis ang kapaligiran. Alex Galang at Rey Nadar
- Latest