2 bading tiklo sa pot session

QUEZON, Philippines – Kulungan ang binagsakan ng dalawang ba­ding makaraang makumpiskahan ng droga at sex toys sa St. Michael Street, Capistrano Subdivision sa Barangay Gulang gulang, Lucena City, Quezon kamakalawa ng hapon. Base sa ulat na nakarating kay P/Supt. Dennis de leon, chief of police  sa Lucena City, pormal na kinasuhan ang mga suspek na sina Ricardo Revilla Jr.,29, ng Barangay Cotta; at Jericho Deligente, 33, ng Barangay Ibabang Dupay. Base sa ulat ni P/Senior Insp. Rodolfo Borromeo, hepe ng Intel/DEU, nakatanggap ng impormasyon ang pulisya na may nagaganap na pot session sa nasabing lugar. Gayunman, pagpasok pa lamang ng mga awtoridad sa bahay ay naaktuhan ang mga suspek sa pot session kung saan nasamsam ang isang plastic sachet ng shabu (0.49 gramo), ilang drug paraphernalia, dalawang dildos, breast toy at isang set ng computer na sinasabing ginagamit sa online cybersex.