Inakalang holdaper, itinumba
LEGAZPI CITY, Albay, Philippines – Bulagta ang 28-anyos na lalaki na sinasabing napagkamalang holdaper matapos itong pagbabarilin ng riding-in-tendem gunmen habang naglalakad sa kahabaan ng Doña Maria Subdivision sa Brgy. Tagas, bayan ng Daraga, Albay noong Lunes ng gabi. Napuruhan sa ulo ang biktimang si Bernardo L. Relente ng San Jacinto, Masbate. Base sa police report na nakarating sa Camp Simeon Ola, dakong alas-8:30 ng gabi nang lapitan at ratratin ng tandem ang biktima. Namataan pa ng ilang residente na nilapitan pa ang biktimang nakabulagta saka binaril pa ito sa ulo. Narekober sa crime scene ang ilang basyo ng bala ng baril at nakuha sa tabi ng biktima ang isang replica ng baril.
- Latest