Trike driver, pinabulagta

CAVITE, Philippines – Bulagta ang 45-anyos na trike driver matapos itong barilin ng hindi kilalang lalaki habang naghihintay ng pasahero sa kanto ng Soriano Highway sa Barangay Sahud Ulan, bayan ng Tanza, Cavite kahapon ng umaga. Na­puruhan sa ulo ang biktimang si Enrique Dela Vega, may asawa, ng nasabing barangay. Sa ulat ni P01 Julius Cesar Torres na isinumite sa Camp Pantaleon Garcia sa Imus City, nakasakay at naghihintay ng pasahero ang biktima nang lapitan at pagbabarilin ng hindi kilalang lalaki. Sinisilip naman ng pulisya ang anggulong droga ang isa sa motibo sa pamamaril.