2 tiklo sa P.1-M pekeng pera
SOLANO, Nueva Vizcaya, Philippines – Dalawa-katao na sinasabing nag-iingat ng pekeng P1,000 ang inaresto ng mga operatiba ng pulisya matapos maaktuhan sa pagpapakalat ng pekeng pera sa mga bayan ng Quezon at Solano sa Nueva Vizcaya kahapon ng tanghali. Nakatakdang kasuhan ni P/Chief Inspector Ferdinand Laudencia, hepe ng pulisya sa bayan ng Quezon ang mga suspek na sina Raul Cabanal Jr., 56, ng Parañaque City at Condrad Peralta, 36, ng Barangay Buenavista, Santiago City, Isabela. Ayon sa ulat, si Peralta ay naaresto matapos magbayad ng pekeng pera sa mga tindahan sa Barangay Darubba sa bayan ng Quezon. Samantala, nasakote rin si Cabanal sa Barangay Quirino sa bayan ng Solano kung saan nabawi ang pekeng P.110 milyong tig-P1,000.
- Latest