Chop-chop na katawan natagpuan
MULANAY, QUEZON , Philippines- Hindi pa man nareresolba at nakikilala ng mga awtoridad ang tatlong pugot na ulong sunog na natagpuan noong Setyembre 26, sa bayang ito, natagpuan naman ang putul-putol na katawan ng ‘di kilalang lalaki na hinihinalang biktima ng salvaging kamakalawa. Dakong ala-1:35 ng hapon nang makita ang isang sako ng mga residente sa Maralahay bridge sakop ng Brgy. Bagupaye na naglalaman ng putul-putol at sunog na bahagi ng katawan ng tao. Blangko pa ang pulisya sa mapagkakakilanlan sa chop chop na katawan ng isang lalaki. Apat na araw na ang nakalilipas ng matagpuan sa Barangay Cambuga ang tatlong pugot na ulong sunog na hinihinalang biktima ng salvaging sa ibang bayan. Iniutos na ni QPPO Prov. director P/SSupt. Antonio Yarra ang Special Investigation Task Group (SITG) na tututok upang resolbahin ang nasa 18 kaso ng mga unsolved deaths sa lalawigan.
- Latest