Tandem bumulagta sa shootout

TUGUEGARAO CITY, Cagayan, Philippines - Dalawang armadong riding-in-tandem na lalaki ang bumulagta kasunod ng shootout laban sa mga pulis na kanilang isinangkot sa habulan matapos lampasan ang isang checkpoint sa Caba, La Union kahapon ng umaga. Sinabi ni Chief Insp. Silverio Ordinado Jr., tagapagsalita ng La Union PNP na unang inalerto ng Highway Patrol Group Region 1 ang pulisya ukol sa paghahabol nila sa tandem na humarurot sa inilagay na checkpoint sa Brgy. Poblacion Norte sa Caba. Ayon kay Ordinado, dakong alas-4:30 nang maharang ng mga pulis-Aringay sa Brgy. Pangao-aoan ang mga suspek subalit sa halip na sumuko ay nakipagbarilan hanggang kapwa matumba.Nakilala ang isa sa mga napatay na si Benjamin Lucena, ng Bay Side, Sta Cruz, Laguna at kinikilala pa ang isa.