2 tinedyer patay sa bike crash

LEGAZPI CITY, Albay, Philippines – Dalawang tinedyer ang namatay makaraang sumemplang ang kanilang motorsiklo sa kahabaan ng highway sa Barangay Gabao, bayan ng Irosin, Sorsogon kamakalawa ng madaling araw. Kinilala ang mga biktimang sina AJ B. Bejel, 17; at Lara Mae C. Tapar, 16, mga nakatira sa nasabing barangay. Base sa ulat na nakarating sa Camp General Simeon Ola, magkaangkas sa motorsiklo ang dalawang walang helmet nang mawalan ng kontrol sa manibela si Bejel kaya sumemplang at humampas sa kalsada. Sinubukan pang isugod sa Gabao District Hospital sa bayan ng Irosin subalit kapwa namatay.