Drug suspek itinumba ng tandem

TUGUEGARAO CITY, Cagayan, Philippines - Bulagta ang 33-anyos na babae na sinasabing drug suspek matapos itong ratratin ng riding-in-tandem assassins sa harapan ng kanyang bahay sa Barangay Purok Bassit sa Vigan City, Ilocos Sur kahapon ng umaga. Kinilala ni P/Chief Insp. Greg Guerrero, tagapagsalita ng Ilocos Sur PNP ang napatay na si Florybel Argallon Paa na una nang nakisawsaw sa programa ng Oplan Tokhang sa kanilang lugar noong nakalipas na buwan. Sa inisyal na imbestigasyon ng pulisya, dakong alas-7:30 ng umaga nang hintuan ng tandem na naka-helmet ang biktima saka pinagbabaril ito. Nagkalat naman sa crime scene ang mga basyo ng bala ng cal.45 pistol.