Suspek sa overpass bombing, tiklo
NORTH COTABATO, Philippines - Arestado ang pangunahing suspek sa pagpapasabog ng overpass sa isinagawang operasyon sa Sitio Lumayong, Barangay Kayaga sa bayan ng Kabacan, North Cotabato noong Huwebes. Isinailalim sa tactical interrogation ang suspek na si Gardo Usop na itinanggi ang nasabing akusasyon. Base sa talaan ng pulisya, pinasabog ng suspek ang overpass noong Nobyembre 16, 2014 ng gabi kung saan namatay ang estudyante ng University of Southern Mindanao habang aabot naman sa 17 ang nasugatan. Sa ngayon dalawa pang suspek ang patuloy na pinaghahanap ng mga pulis na hindi muna binanggit ang pagkakakilanlan.
- Latest