Magpinsang dalagita nilamon ng ilog
TUGUEGARAO CITY, Cagayan, Philippines – Pinaglalamayan ngayon ang magpinsang dalagita na masayang dumalo sa piknik ng kanilang kamag-anak makaraang malunod sa ilog sa Barangay Pinaripad Sur, bayan ng Aglipay, Quirino kamakalawa. ? Kinilala ni P/Senior Insp. Gary Macadangdang ang dalawang namatay na sina Reiny Joy Acosta, 13; at Jennyco Sabate, 14. ?Base sa imbestigasyon, sumama ang magpinsan sa kanilang kaanak sa ilalim ng tulay sa pagdaraos ng kaarawan ng amain ng mga biktima. ?Ayon sa police report, nawili sa kasiyahan ang magkakaanak at hindi napansin na natangay na pala ng alon ang dalawang dalagita na naligong walang kasama.? Lumutang naman ang katawan ng mga biktima sa malalim na bahagi ng ilog saka isinugod sa Quirino Province Medical Center sa bayan ng Cabarroguis kung saan sila idineklarang patay.
- Latest