2 babae tiklo sa P1.6-M droga

NORTH COTABATO, Philippines – Arestado ang dalawang babaeng tulak-droga makaraang makumpiskahan ng P1.6 milyong halaga ng shabu sa inilatag na drug bust operation sa Davao City, kamakalawa ng tanghali. Nakatakdang kasuhan ni P/Chief Insp. Hamlet Lerios ang mga suspek na sina Lailainie Sarip Ibrahim, 18; at isang menor-de-edad na itinago sa pangalang Norma na kapwa nakatira sa bayan ng Tamparan, Lanao del Sur. Nasamsam sa mga suspek ang dalawang malalaking sachets ng shabu na kapag ine-repacked ay aabot sa P2 milyong halaga.