Totoy nabagsakan ng pader, pisak

NORTH COTABATO, Philippines – Maagang sinalubong ni kamatayan ang 10-anyos na totoy matapos itong madaganan ng sementong pader habang nangangalakal ng mga plastic sa Barangay Arena Blanco sa Zamboanga City, Zamboanga del Sur, ayon sa ulat kahapon. Kinilala ang biktima na si Pajer Pulalon habang nasugatan naman ang kanyang 12-anyos na kapatid na si Jaber Pulalon. Base sa imbestigasyon, namumulot ng mga plastic bottle ang magkapatid sa gilid ng ginagawang bahay nang mapa­sandal ang bitktima sa sementadong pader. Gayunman, biglang bumigay ang pader kung saan nabagsakan ang biktima. Pinag-aaralan ng pulisya kung may pananagutan ang may-ari ng bahay na si Nasser Ainal sa pagkamatay ng biktima.