2 drug suspek, nilikida
TUGUEGARAO CITY, Cagayan, Philippines - Dalawang drug personalities ang itinumba makaraang tambangan ng riding-in-tandem assassins sa Barangay 2, Vigan City, Ilocos Sur noong Huwebes ng umaga. Kinilala ni P/Chief Insp. Greg Guerrero, tagapagsalita ng Ilocos Norte PNP ang mga napatay na sina Michael Molina at Roger del Castillo na sinasabing naghatid lamang ng mga bata sa eskwelahan. Ayon sa police report, palayo na sa paaralan ang mga biktimang lulan ng SUV nang bigla silang sabayan at ratratin ng tandem. Bagama’t sugatan ay pinilit ni Molina na imaneho ang SUV sa St. James Hospital kung saan kapwa sila namatay. Ayon kay Guerrero, ang mga biktima ay nasa drug watch list ng pulisya at sumawsaw na rin sa programang “Oplan Tokhang” noong nakalipas na buwan.
- Latest