Kumbento grinanada ng Abu
MANILA, Philippines – Niyanig ng malakas na pagsabog ang isang kumbento matapos itong hagisan ng granada ng mga bandidong Abu Sayyaf Group sa bayan ng Jolo, Sulu kamakalawa ng umaga. Sa ulat ng Joint Task Group (JTG) Sulu, bandang alas-5:40 ng umaga nang hagisan ng granada ang Catholic Dominican Convent sa Kakuyugan Village, Brgy. Asturias sa kapitolyo ng Jolo. Sa pahayag ng ilang testigo, bigla na lamang naghagis ng granada ang dalawang lalaki na lulan ng motorsiklo. Ang pagsabog ay lumikha ng bahagyang pinsala sa nasabing kumbento kung saan wala namang nasugatan at namatay sa pagsabog. Base sa tala ng pulisya, ilang beses ng naging target ng pambobomba ng mga bandido ang Mt. Carmel Cathedral sa nasabing bayan.
- Latest