Doktor, 1 pang tulak, dakma

MANILA, Philippines – Dalawa-katao kabilang ang sinasabing notoryus na tulak-droga ang inaresto ng mga operatiba ng pulisya sa inilatag na buy-bust operation kamakalawa ng gabi sa Barangay Limaha, Butuan City, Agusan del Norte.

Sa ulat ni P/Chief Supt. Rolando Felix, Caraga police director, kinilala ang mga suspek na sina Dr. Frede­rick Padilla, 36, surgeon sa Butuan City Medical Center at Jefrix “Jepoy” Galon na sinasabing kabilang sa drug watch list ng pulisya.

Hindi na nakapalag ang mga suspek nang arestuhin ng mga awtoridad matapos ang buy-bust operation ng pulisya sa Glorieta Guest House.

Narekober sa mga suspek ang 11 plastic sachets na may shabu na may street value na P 47,200, mga drug paraphernalia at P1,000.00 cash na pinaniniwalaang kinita sa drug trade.

Sa tala ng Caraga PNP, simula Hulyo 1 hanggang sa kasalukuyang buwan ay umaabot na sa 306 drug pushers ang nasakote, 15 ang na­patay sa shootout.