Durugista, nilikida

OLONGAPO CITY, Philippines – Napatay ang 27-anyos na durugista matapos itong ratratin ng mga hindi kilalang lalaki sa loob ng kanyang inuupahang bahay sa Barangay Calapacuan  sa bayan ng Subic, Zambales kahapon ng mada­ling araw. Napuruhan sa ulo  ang biktimang si Mary Grace Nilo “Gara” Goncura ng Purok 6A  sa nasabing barangay. Base sa police report na nakarating kay P/Senior Insp. Geoffrey Javier, deputy chief of police, bandang als-2 ng madaling araw nang pasukin at ratratin ang biktima. Hindi umano pakay ng gunmen na patayin kundi ang kanyang ka-live-in na si Jilmani Ummay subalit nagkataong wala sa bahay. Nabatid na  si Goncura ay dating gumagamit ng droga at isa umano sa mga unang nagsisuko sa “Oplan Tokhang” ng pulisya.