4 adik arestado sa pot session

CAMARINES NORTE, Philippines – Bumagsak sa kamay ng mga awtoridad ang apat na kalalakihan kabilang ang tatlo na sinasabing kamag-anak ng isang senador  makaraang maaktuhan sa pot session sa Barangay San Juan sa bayan ng Baao, Camarines Sur kamakalawa ng gabi. Pormal na kinasuhan ang mga suspek na sina Alexander Colarina, 39; Richard Colarina, 37, kapwa residente sa Brgy. San Agustin, Iriga City; Zaldy Botin, 31; at si William Catangui, 28. Base sa police report na nakarating sa Camp Simeon Ola, nagsagawa ng “Oplan Tokhang” ang mga operatiba ng pulisya kung saan naaktuhan ang mga suspek na bumabatak ng shabu. Nasamsam sa mga suspek ang 2 plastic sachet na may shabu at mga drug paraphernalia.