79-anyos lola dedo sa sunog

NORTH COTABATO, Philippines - Patay ang 79-anyos na lola matapos na mapasama sa nasusunog niyang bahay sa Park Oblipas, Brgy. Calumpang sa lungsod ng Heneral Santos, South Cotabato kahapon. Ang biktima kinilalang ay si Bernardina Rezada, ng nasabing lugar. Sa pagsisiyasat, sinasabing ang ginamit na gasera ng lola ang siyang pinagmulan ng apoy. Ayon sa Bureau of Fire Protection (BFP) Gensan, bandang ala-1:00 ng madaling araw nang sumiklab ang sunog. Tinatayang aabot sa P100,000 ang natupok na ari-arian matapos madamay pati ang ilang mga katabing bahay at isang boarding house. Ito na ang ikalimang sunog na naitala nitong buwan ng Hulyo sa nasabing bayan.