Barangay kagawad dinedo ng tandem
QUEZON, Philippines - Patay ang 56-anyos na barangay kagawad matapos itong pagbabarilin ng riding-in-tandem gunmen sa Sitio Usiw, Barangay Quipot sa bayan ng Tiaong, Quezon kamakalawa ng tanghali. Napuruhan sa ulo ang biktimang si Kagawad Delfin Mayo, 56, may asawa at nakatira sa Barangay Bukal. Ayon sa pulisya, dakong alas-12:05 ng tanghali nang abangan at pagbabarilin ng tandem ang biktimang nagmomotorsiklo. May teorya ang pulisya na nagtanim ng galit ang gunmen dahil sa pakikipagtulungan ng biktima na maisagawa ang Oplan Tokhang ng pulisya sa pagsuko ng mga durugista sa nasabing barangay.
- Latest