2 pang tulak-droga, nilikida

TUGUEGARAO CITY, Cagayan, Philippines – Dalawa pang tulak-droga ang pinabulagta sa naganap na magkahiwalay na pamamaril ng riding-in-tandem assassins sa Ramon, Isabela at bayan ng Diffun, Quirino noong Martes.? Nabatid na nagtitinda ng isda ang biktimang si Hassam Rivera nang lapitan at ratratin sa Barangay Gen. Aguinaldo sa bayan ng Ramon, Isabela. ?Nabatid na isa si Rivera sa mga sumukong durugista sa isinagawang programa ng Oplan Tokhang ni P/Chief Insp. Genesis Cabacungan. Samantala, napuruhan naman sa ulo si Romulo Basa matapos itong tambangan ng tandem habang sakay ng kanyang motorsiklo sa Barangay Aurora West sa bayan ng Diffun, Quirino. Ayon sa report, narekober ang isang plastic sachet na may shabu sa tool compartment ng motorsiklo ni Basa.