Anak nabaril ng ama, kritikal

CAMARINES NORTE, Philippines – Nakikipaglaban kay kamatayan ang 13-anyos na totoy matapos itong mabaril ng sariling ama na naglilinis ng sumpak sa kanilang bahay sa Purok 6, Sitio Paraiso sa Brgy. Rizal, bayan ng Sta. Elena, Camarines Norte kahapon ng umaga. Batay sa salaysay ng lola ng biktima sa himpilan ng pulisya, aksidenteng pumutok ang baril na nililinis ni Josepherson Delos Santos Sr. kung saan tumama sa mukha ng biktima na kasalukuyang naghahanda na sa pagpasok sa Rizal National High School. Narekober sa crime scene ang isang sumpak habang naisugod naman sa Camarines Norte Provincial Hospital ang biktima.