3 drug pushers pa itinumba

MANILA, Philippines - Tatlo pang itinuturong drug pushers ang napatay makaraang pagbabarilin ng mga hindi kilalang kalalakihan sa bayan ng Vallehermoso, Negros Oriental kamakalawa. Kinilala ang mga napatay na sina Jujit Villa, 41; Jeric Ginanao, 32; at Fungo Pasuguiron, mga residente sa bayan ng Moises Padilla sa Negros Occidental. Base sa police report na nakarating sa Camp Crame, naganap ang pagpatay sa bisinidad ng Sitio Macupa, Barangay Maglahos sa nasabing bayan. Sa tala ng pulisya, ang mga napatay ay nasa drug watch list ng Negros Oriental Police. Narekober sa crime scene ang mga basyo ng bala ng cal. 45 pistol, bond paper na may nakasulat na “Pusher kami,’wag tularan” at  isang plastic sachet ng shabu.