Militar vs NPA: 4 bumulagta
NORTH COTABATO, Philippines – Apat-katao ang napatay makaraang sumiklab ang bakbakan sa pagitan ng 66th Infantry Battalion ng Philippine Army at New People’s Army sa liblib na bahagi ng Sitio Pongpong, Brgy. Andap sa bayan ng New Bataan, Compostela Valley Province, ayon sa ulat kahapon umaga.
Ayon kay Captain Alex Cabales, civil military operations battalion ng 10th Infantry Division ng Phil. Army, tumagal ng 45-minuto ang sagupaan bago umatras ang rebelde.
Napag-alamang dalawa sa napaslang sa panig ng militar habang dalawa naman sa hanay ng rebelde na nasa ilalim ng Guerrilla Front-25 Southern Mindanao Region.
Naisugod naman sa Camp Panacan Hospital ang isang sundalo na sugatan sa bakbakan.
Narekober ng militar sa encounter site ang isang AK-47 ng mga rebelde.
Hindi muna pinangalanan ng militar ang dalawang sundalo dahil hindi pa naipaalam sa kanilang pamilya.
- Latest
