Bike vs bike: 2 rider todas
MANILA, Philippines – Patay ang dalawang rider habang tatlo naman ang nasugatan makaraang magsalpukan ang dalawang motorsiklo sa kahabaan ang Marcos Highway sa Sitio Langhaya, Antipolo City, Rizal kahapon ng madaling araw. Kinilala ang dalawa na sina Leo Jaberto y Cabalin, 22, ng Phase 5 Cacalog Street sa Barangay Sta. Cruz; at Michelle Reyes ng Sumulong Mambugan sa Antipolo City, Rizal. Naisugod naman sa ospital ang mga sugatang sina Marjorie Bautista, Jude Calda, at si Rico Misoga na pawang kaangkas ni Jaberto. Base sa police report ng pulisya, nagkarera ang dalawang motorsiklo sa paibabang bahagi ng highway sa Sitio Langhaya kung saan nag-overtake sa dump truck kaya nagkasalpukan. Unang inakala ng mga traysikel driver na ang trak ang nakabangga sa dalawang motorsiklo kaya hinabol nila ito pero kinalaunan ay salpukan ng mga motorsiko.
- Latest